AMEA Gənc Alim və Mütəxəssislər Şurasının təşkilatçılığı, bu qurumun İşlər İdarəsi və Azad Həmkarlar İttifaqının dəstəyilə ümummilli lider Heydər Əliyevin anadan olmasının 93-cü ildönümünə həsr olunmuş Gənc Alim və Mütəxəssislərin III Futbol Çempionatı keçirilir.

AFFA-nın peşəkar hakimləri tərəfindən idarə olunan oyunlarda 16 komanda mübarizə aparır.

Akademiya Şəhərciyində yerləşən stadionda baş tutan qrup oyunlarında AMEA İnformasiya Texnologiyaları İnstitutu və AMEA Kataliz və Qeyri-üzvi Kimya İnstitutunun komandaları qarşılaşıb. Təmsilçilərimiz 7:2 hesabı ilə qalib gəlib.

Növbəti qrup oyunlarında AMEA İnformasiya Texnologiyaları İnstitutu və AMEA Arxeologiya və Etnoqrafiya İnstitutunun komandaları qarşılaşacaq.

Bu mübarizədə komandamıza uğurlar arzulayırıq!

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.