Mühəndislər pilotsuz uçuş aparatlarını poçtalyona çevirmək niyyətindədirlər. Belə ki, Avstraliyanın poçt xidməti dronları sınaqdan keçirir.

Poçt dronlarının hazırlanması ilə məşğul olan “ARI Labs” şirkətindən bildirilib ki, pilotsuz təyyarələr yüksək texniki göstəricilərə malik kamera, qəza paraşütü, xəbərdarlıq edən işıq və səs siqnalları ilə təchiz ediləcək.

“Uçan poçtalyonlar” daim yerüstü idarəetmə stansiyasına məlumat ötürəcək ki, bu da mühəndislərə real vaxtda uçuşun bütün parametrlərini izləməyə imkan verəcək.

Poçt bağlamalarının dronların köməyilə qapıya çatdırılması xidməti, xüsusilə fiziki imkanları məhdud şəxslər və yaşlı insanlar üçün faydalı olacaq.

techcult.ru saytının məlumatına görə, “ARI Labs” şirkəti prosesi daha da avtomatlaşdırmağı və insan əməyindən istifadə etməməyi planlaşdırır.