“US News” nəşri yüz ən yaxşı peşənin reytinqini hazırlayıb. Nəticələrə görə, ABŞ-da ən yaxşı peşə proqram təminatı tərtibatçısıdır. Liderlər üçlüyündə kompüter sistemləri analitikləri və diş həkimləri də yer alıb. 

Nisbətən perspektivli peşələr arasında feldşer, əczaçı, terapevt, tibb bacısı, veb-proqramçı və diş gigiyenası üzrə mütəxəssislər qeyd olunub. Beləliklə, siyahının yuxarı hissəsində tibb və kompüter texnikası sahəsi üzrə iş yerləri üstünlük təşkil edir. 

Yüzlüyün sonunda incəsənət direktorları, arxitektorlar, müştəri xidmətləri şöbələrinin əməkdaşları, sanitariya texnikası işçiləri, ofis qulluqçuları, avtomexaniklər, rəngsaz və psixiatrlar yer alıb. 

“US News” peşələri müxtəlif çəkiyə malik bir neçə amillər üzrə seçib. Xüsusilə orta əməkhaqqı, peşə üzrə işsizlik səviyyəsi, iş yerində inkişaf perspektivləri, stress səviyyəsi və s. nəzərə alınıb. 

ictnews.az