Almaniya kansleri Angela Merkel Avropanın öz kommunikasiya əlaqələrini yaratmağı təklif edib. Buna səbəb kimi Avropadan göndərilmiş elektron məktubların ilk öncə Amerikadan keçməsi göstərilib. 

A.Merkel bildirib ki, müstəqil kommunikasiya şəbəkələrinin yaradılması üçün hansı Avropa provayderlərinin istifadəçilərə daha yüksək təhlükəsizlik xidmətləri təklif etdiyini nəzərdən keçirmək lazımdır. 

cybersecurity.ru saytının məlumatına görə, federal kansler bu məsələni fevralın 19-da Parisdə keçiriləcək alman-fransız məsləhətləşmələri zamanı Fransa prezidenti Fransua Olland ilə müzakirə etmək niyyətindədir. 

Merkel deyib ki, Avropa məlumatlarla mübadilə sahəsində ABŞ-dan asılı olmalı deyil.