Amerikanın bankomat istehsal edən “Diebold” şirkəti kassa xidmətləri sahəsində yenilik tətbiq edib. Şirkət bütün ticarət məkanlarında fəaliyyət göstərəcək özünəxidmət kassalarının yeni konsepsiyasını təqdim edib. Bundan sonra müştərilər məhsul alarkən onun ştrix-kodunu özləri skan edəcəklər.

cantonrep.com saytının məlumatına görə, “Diebold” kassaları təmassız NFC-ödənişlərini dəstəkləyir. Ödəmə aparmaq üçün smartfonu terminala yaxınlaşdırmaq kifayətdir.

Qeyd edək ki, şirkət gələn həftə Nyu-Yorkda keçiriləcək “NRF Big Show” sərgisində yeni qurğusunu nümayiş etdirəcək.