“Sharp” şirkəti robot şəklində hazırlanmış “RoBoHoN” smartfonunu təqdim edib. Robotun hündürlüyü 19,5 sm, çəkisi 390 qram təşkil edir. Lakin bu göstəricilər smartfona uyğun hesab olunmur. Kamera və dinamiklər robotun baş hissəsində, 2 düymlük sensor displey isə kürəyində yerləşir.

gazeta.ru saytının məlumatına görə, qurğu “3G” və “LTE” standartlarını dəstəkləyir, eləcə də “Wi-Fi” şəbəkəsinə qoşulmağa imkan verir. “RoBoHoN” ikinüvəli “Qualcomm Snapdragon 400 MSM8926” prosessoru ilə idarə olunur.

Telefon funksiyası ilə yanaşı, səs və sifətləri tanıyan robot-smartfon, həmçinin sərbəst şəkildə hərəkət edir, insanı əyləndirir, eləcə də mini-proyektor rolunu oynayır.