“Microsoft” şirkətinin veteranlarından olan 46 yaşlı Hindistanlı Satya Nadella şirkətin yeni baş direktoru olub. O, 22 ildir ki Microsoft-da fəaliyyət göstərir. 

lenta.ru saytının məlumatına görə, nəhəng şirkətin yaradıcısı Bill Qeyts isə Direktorlar şurasının sədri vəzifəsini tərk edib. O, artıq yeni baş direktorun texniki məsləhətçisi kimi işləyəcək. Qeytsi Con Tompson əvəzləyəcək. 

S.Nadella 1967-ci ildə Hindistanın Heydərabad şəhərində doğulub. O, Manqalor şəhərində ali məktəbi bitirərək elektrik mühəndisi ixtisasına yiyələnib. Bundan sonra Nadella Viskonsin-Miluoki universitetində magistr dərəcəsi alıb. 

Nadellanın sözlərinə görə, “Microsoft” kimi şirkətlər ənənələri deyil, innovasiyaları qiymətləndirir. Korporasiya böyük perspektivlərə malikdir, lakin onlara nail olmaq üçün daha sürətli olmaq və dəyişmək lazımdır.