“Ali məktəb tələbələri arasında informatika üzrə X Ümumrespublika Olimpiadası”nın final mərhələsi mayın 2-si saat 10:00-da AMEA İnformasiya Texnologiyaları İnstitutunda keçiriləcək.

Qeyd edək ki, 17 May - Dünya Telekommunikasiya və İnformasiya Cəmiyyəti Gününə həsr olunan olimpiada 2007-ci ildən AR Rabitə və Yüksək Texnologiyalar Nazirliyi (RYTN), Heydər Əliyev Fondu, AR Təhsil Nazirliyi və AMEA İnformasiya Texnologiyaları İnstitutunun birgə təşkilatçılığı ilə keçirilməkdədir.

Olimpiadanın 5 aprel 2015-ci il tarixdə Qafqaz Universitetində keçirilmiş ilk mərhələsində respublikanın 14 ali təhsil müəssisəsindən 50 komanda iştirak etmişdir. Qaydalara əsasən, müsabiqədə 14 ali təhsil müəssisəsindən ən yaxşı nəticə göstərən 12 komanda olimpiadanın final mərhələsinə vəsiqə qazanmışdır.

Finalda ilk 4 yerə layiq görülən komandalar sponsorların təqdim etdiyi hədiyyələr, habelə fəxri fərman, diplom və sahə üzrə müxtəlif kitablarla mükafatlandırılacaqlar.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.