2005-ci ildə bakalavr pilləsi üzrə Bakı Slavyan Universitetinin Filologiya fa­kül­tə­si­ni (“Rus dili və ədəbiyyatı” ixti­sa­sı), 2009-cu ildə “Rus dili” ix­ti­sası üzrə həmin universitetinin magistra­tu­rasını fərqlənmə diplomu ilə bitirib.

 Əmək fəaliyyətinə 2007-ci ildə Bakı Slavyan Universitetində başlayıb. Universitetin Kompüter mərkəzinin mühəndisi, Magistratura şöbəsinin operatoru, daha sonra inspektoru vəzifələrində çalışıb. 2008-2013-cü illərdə Bakı Slavyan Universiteti üzrə Magistraturaya Sənəd Qəbulu Komissiyasının üzvü, məsul katibin müavini və məsul katibi olub.

  2013-2019-cu illərdə Azərbaycan Milli Elmlər Akademiyası Humanitar Elmlər Bölməsinin aparıcı mütəxəssisi vəzifəsində çalışıb.

 5707.01 – “Slavyan dilləri” (Rus dili) ixtisası üzrə Bakı Slavyan Universitetinin buraxılış kurs doktorantıdır. “Лексикографическая разработка субстантивированных прилагательных в толковых словарях русского языка”, “Quş dili və fit dili fenomeni” mövzularında tədqiqat işləri aparır.

  25-dən çox elmi əsərin müəllifidir.

  2019-cu ildən İnformasiya Texnologiyaları İnstitutunun İctimaiyyətlə əlaqələr şöbəsinin baş mütəxəssisi vəzifəsində çalışır.