7-9 aprel 2015-ci il tarixlərdə Tehranda (İran) “Keçid dövründə kiberməkan siyasəti” mövzusunda Beynəlxalq konfrans keçiriləcək.

Kiberməkan Siyasəti Tədqiqat Mərkəzi və Tehran Universiteti tərəfindən təşkil olunan konfransın əsas istiqamətlərini siyasət, elektron idarəetmə, dövlət siyasəti: intellektual planlaşdırma və onun həyata keçirilməsində meydana gələn problemlər; kibermədəniyyət; iqtisadiyyat və sektorlar üzrə inkişaf və bu sahədə mövcud problemlər: innovasiyalar və “informasiya mühiti, rəqəmsal təlim, yaradıcı iqtisadiyyat”da texniki sahibkarlıqlar; innovativ iqtisadiyyatın iqtisadi coğrafiyası modelləri, böyük verilənlərin (Big Data) analitikləri və mobil ödəmə modelləri; optimal iştirak üçün infrastruktur: əşyaların İnterneti, təhlükəsizlik, telekommunikativ vəziyyət, qlobal reytinq və göstəricilər, elektron hazırlıq, intellektual şəhərlərin yaradılması və s. əhatə edir.

Qeyd edək ki, konfransın materialları Tehran Universiteti tərəfindən dərc olunan “Kiberməkanda Siyasi Tədqiqatlar” jurnalında nəşr olunacaq.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.