Novosibirskdə (Rusiya) 2015-ci il yanvarın 15-də “Elmdə innovasiyalar” 39-cu Beynəlxalq elmi-praktiki konfrans keçiriləcək. Tədbirin təşkilatçısı Sibir Konsultantlar Assosiasiyasıdır (СибАК - Сибирская ассоциация консультантов).

SibAK-ın əsas məqsədi elmin inkişafı və elmi tədqiqatların nəticələrinin dərcinə kömək etməkdir.

sibac.info saytının məlumatına görə, konfransa göndəriləcək məqalələrdə plagiatlıq halları da yoxlanılacaq (www.antiplagiat.ru servisindən istifadə olunacaq). Məqalələrin müzakirəsi www.sibac.info saytında fevralın 7-dən 12-dək distant formatda aparılacaq. Konfransda məruzə ediləcək bütün məqalələr Rusiya elmi sitat indeksi sistemində indeksləşəcək. 

Onu da qeyd edək ki, tədbirin yekununda konfransın laureatı da müəyyən olunacaq. Laureat məqaləsini “Universum”un elmi jurnallarından birində pulsuz dərc etmək imkanı əldə edəcək.

Konfransın seksiyaları fizika-riyaziyyat, kimya, biologiya, texnika, kənd təsərrüfatı, humanitar, tibb, Yer haqqında elmlər və ictimai elmləri əhatə edir. 

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.