13-14 noyabrda Moskvada (Rusiya) informasiya təhlükəsizliyinin (İT) praktiki aspektlərinə həsr olunacaq ZeroNights 2014 beynəlxalq konfransı keçiriləcək. “Digital Security” şirkətinin təşkilatçılığı ilə baş tutacaq ZeroNights informasiya təhlükəsizliyi üzrə müxtəlif ölkələrdən olan ekspertləri, mütəxəssisləri, analitik və hakerləri bir araya toplayır.
www.dailycomm.ru saytının məlumatına görə, konfrans iştirakçılarına yeni hücum və təhlükə metodları, mühafizə imkanları, həmçinin İT məsələlərinin qeyri-standart metodlarla həlli haqqında ətraflı məlumat veriləcək.