Avqustun 26-da Rusiyanın Novosibirsk şəhərində "İnformasiya texnologiyalarının inkişaf perspektivləri" XX Beynəlxalq elmi-praktiki konfransı keçiriləcək. 

Müasir dövrdə bütün elmi istiqamətlər sürətlə inkişaf edir. Aparılan elmi-tədqiqat işlərinin nəticələrinin nəşri alimlər üçün olduqca mühüm və  məsuliyyətli mərhələdir. Bu zaman elmi cəmiyyətin diqqətini özünə cəlb edən bir çox innovativ ideyalar və nəzəriyyələr meydana çıxır. Digər tərəfdən,  nəşr olunmuş məqalələrin sayı dissertasiya işinin müdafiəsi zamanı əsas şərtdir.  

Rusiyanın Elmi Əməkdaşlığın İnkişafı Mərkəzinin təşkilatçılığı ilə keçirləcək konfrans da bu istiqamətdə müxtəlif məsələlərin müzakirəsinə yönəlib. Tədbirdə dünya ölkələrindən alimlər, doktorantlar,  tələbələr və digər könüllü şəxslərin iştirakı gözlənilir.

Konfransda, əsasən, "Sistemli analiz, informasiyanın emalı və idarəolunması", "İqtisadiyyatda və siyasətdə informasiya texnologiyaları",  "Sosial və iqtisadi sistemlərdə idarəetmə" kimi mövzular ətrafında məruzələr dinləniləcək, fikir mübadiləsi aparılacaq.

Tədbirlə bağlı daha ətraflı məlumatı konferencii.ru saytından əldə etmək olar.