2015-ci ilin mart ayında Moskvada Avropanın ən böyük mobil proqramlar sərgisi - Moscow Application and Technology Expo (MATE 2015) keçiriləcək.

Sərgidə 3D-çap üçün proqramlar, 3D-skan, oyun proqramları, mobil tibb, idman üçün proqramlar, Əşyaların İnterneti, mobil televiziya, mobil proqram və texnologiyalar, mobil təhsil, robotlar üçün proqramlar, mobil marketinq və reklam, daşına bilən qadjetlər, mobil ticarət və digər bölmələr üzrə müzakirələr aparılacaq.

Sərginin qonaqları ilk dəfə olaraq informasiya texnologiyaları sənayesinin innovativ mövzuları üzrə 7 konfransda iştirak edə biləcəklər:

Mobile Application Conference - mobil sənaye haqqında tematik konfrans;

Connected Cars Summit - Rusiyada “qoşulmuş avtomobillər” texnologiyası haqqında ilk sammit;

Social Networking Congress and Expo - sosial mediada biznesə həsr edilmiş sərgi-konfrans;

Əşyaların İnterneti - kompleks İnternet və Əşyaların İnterneti mövzusunda konfrans;

M-Health Congress - mobil səhiyyəyə həsr edilmiş tədbir;

Social & Mobile Gambling Conference - MDB-də “iGaming” sənayesinin bütün ekspertlərinin toplaşacağı ilk ixtisaslaşdırılmış konfrans;

Apps Awards - ən yaxşı mobil proqramların mükafatlandırılması mərasimi.