Süni intellekt üz ifadələrini bir videodan digərinə daşıyır 13.06.2018    16:32 / Texnoloji yeniliklər

Almaniya, Fransa, Böyük Britaniya və ABŞ alimləri mimika və göz hərəkətlərinin bir videodan digərinə daşınması üçün süni intellektdən istifadə ediblər.

robo-hunter.com saytının məlumatına görə, kamera qarşısında olan insan müəyyən mimik ifadələri təkrarlayır və sözləri tələffüz edir. Süni intellekt məlumatları təhlil edərək, onları digər videoya daşıyır. Bu videoda da insan eynilə həmin hərəkətləri və sözləri təkrarlamağa başlayır.

Tədqiqatçılar tərəfindən yaradılmış neyron şəbəkə əldə edilmiş videonun emalına yalnız bir neçə dəqiqə sərf edir. Sonra o, məlumatları əsas videofayla daşıyır və onunla sinxronlaşdırır. Sistem, hətta lazım olduqda bəzi fon kölgələrini manipulyasiya edə bilir. Nəticədə əldə olunmuş video ilk fayldan demək olar ki, fərqlənmir.

Layihənin hazırlanması ilə məşğul olan alimlər qeyd edirlər ki, bu neyron şəbəkə virtual reallıq və film istehsalı üçün faydalı olacaq. Lakin aydındır ki, sistemdən pis niyyətlər (məsələn, informasiya müharibələrində mənəvi zorakılıq məqsədilə saxta xəbərlərin yaradılması) üçün də istifadə etmək olar.

“Mən bu kimi texnologiyaların etik nəticələrini bilirəm. Bu, tədqiqat nəticələrimizin nəşr olunmasının səbəblərindən biridir. İnsanların düşüncələrinin necə idarə oluna biləcəyi haqqında məlumatlı olması çox vacibdir”, – deyə layihənin tədqiqatçılarından biri olan Yustus Teys bildirib.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

15 İYUN – MİLLİ QURTULUŞ GÜNÜDÜR
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR