Gözlərin diaqnostikası üçün neyroşəbəkə hazırlanıb 16.04.2018    11:25 / Texnoloji yeniliklər

Gözlərin avtonom diaqnostikası üçün neyroşəbəkəyə əsaslanan “IDx-DR” qurğusu hazırlanıb. ABŞ-ın Qida məhsulları və dərmanların keyfiyyətinə sanitar nəzarət idarəsi ondan istifadəyə icazə verib.

robo-hunter.com saytının məlumatına görə, qurğunun iş prinsipi sadədir: tibb işçisi pasiyentin gözünün torlu qişasının xüsusi kameranın köməyilə çəkilmiş şəkillərini yükləyir. Süni intellekt nəticə almaq üçün fotonun kifayət qədər keyfiyyətli olub-olmadığını müəyyən edir. Sonra o, təsviri təhlil edərək pasiyentdə diabetik retinopatiyanın olub-olmadığını aşkar edir. Bu xəstəlik diabetin korluğa səbəb ola biləcək ağırlaşmasıdır. Diabetik retinopatiya qanda şəkərin səviyyəsinin yüksəlməsinə görə gözün torlu qişasının damarları zədələndikdə meydana çıxır.

Kliniki sınaqlar göstərib ki, “IDx-DR” sistemi 900-dən çox təsviri analiz edərək retinopatiyanı 87 faiz, bu xəstəliyin olmadığı şəxsləri isə 90 faiz dəqiqliklə müəyyən edə bilib.

“Proqram təminatının unikallığı avtonom işləməsindədir. Bu texnologiyadan tibb bacısı və ya göz xəstəlikləri üzrə mütəxəssis olmayan həkim də istifadə edə bilər ki, bu da diaqnozun qoyulmasını sadələşdirir. Beləliklə, pasiyentlər oftalmoloqun onları müayinə edərək diaqnoz qoymasını gözləməli olmayacaqlar”, – deyə ideya müəllifi Maykl Abramov bildirib.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

"ELM VƏ İNNOVASİYA" VERİLİŞİ
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR