Kriptovalyutanın inkişaf perspektivləri araşdırılır 13.04.2018    16:44 / Konfranslar, iclaslar

AMEA İnformasiya Texnologiyaları İnstitutunda 4 saylı şöbənin növbəti elmi seminarı keçirildi. Şöbə əməkdaşı Cəmil Qurbanzadə “Kriptovalyutanın mövcud vəziyyəti, inkişaf perspektivləri və “Mining” prosesi üçün metodlar” adlı məruzəsini təqdim etdi.

C.Qurbanzadə müasir dövrdə “İnternetin qızılı” adlandırılan kriptovalyutanın rəqəmsal valyutanın bir növü və elektron ödəniş şəbəkəsi olduğunu bildirdi. Onun sözlərinə görə, ilk kriptovalyuta nümunəsi 2009-cu ildə “Bitcoin” (BTK) adı altında yaradılmışdır. Hazırda kriptovalyutaların “altcoin”lər adlanan yüzlərlə növünə rast gəlmək mümkündür.

Məruzəçi kriptovalyutaların üstünlüklərindən söz açaraq qeyd etdi ki, onlar sürətli və təhlükəsizdir, istifadəsi asan və inflyasiya riski aşağıdır, həmçinin vahid mərkəzdən idarə olunmur. Məruzəçi bunlarla yanaşı, “Blokchain” (Blokçeyn) texnologiyasının günümüzdəki çoxsaylı üstünlüklərindən danışdı. Bildirdi ki, bu texnologiya təkcə kriptovalyuta sahəsində tətbiq olunmur. Həmçinin sosial həyatın müxtəlif sahələrində - verilmiş kreditlər, əmlak hüququ, yol hərəkəti qaydalarının pozulması, nikahla bağlı məlumatları da burada saxlamaq mümkündür.

Sonra o, mayninq (mining) adlanan bitkoinin əldə edilmə prosesindən bəhs edərək bu zaman kriptoqrafiyadan istifadə olunduğunu diqqətə çatdırdı. Bildirdi ki, mayninq prosesinin ev şəraitində aparılması üçün kompüterin video kart qurğusu böyük resurslara sahib olmalıdır. Bu proses eyni zamanda külli miqdarda elektrik enerjisi tələb edir.

C.Qurbanzadə kriptovalyutanın “Ripple”, “Dash”, “Cardano”, Litecoin” kimi növləri olduğunu vurğuladı. Həmçinin o, bitkoinin emalı üçün “Diablo”, “Easy Miner”, “Bitminer” kimi proqram təminatları haqqında danışdı.

Daha sonra məruzəçi bitkoinləri istehsal edən “fermalar”dan bəzi nümunələr, müxtəlif növ video kartların mayninq göstəriciləri, mayninq prosesi üçün bəzi alqoritmlər, bitkoinlərin emalı zamanı istifadə olunan elektrik enerjisinin müqayisəli təhlilinə dair məlumatları diqqətə çatdırdı.

Məruzə ətrafında müzakirələr aparıldı və suallar cavablandırıldı.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

"ELM VƏ İNNOVASİYA" VERİLİŞİ
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR