Haker hücumları dünyada İnternetin fəaliyyətində nasazlıqlar yaradıb 09.04.2018    10:00 / Maraqlı məlumatlar

Dünyada əksər internet-resursları haker hücumlarına məruz qalıb. Bu, xüsusilə “Cisco” marşrutlayıcılarından istifadə edən provayderlərin təhlükə ilə üzləşməsinə səbəb olub.

macdigger.ru saytının məlumatına görə, İnternet şəbəkəsində “Cisco” avadanlığında boşluqlar axtarmaq məqsədilə onu skan edərək proqram təminatının parametrlərini dəyişən kompüter proqramı (bot) yayılıb. Bot konfiqurasiyalı faylları ləğv edir və onların yerinə ABŞ bayrağının şəklini yerləşdirir.

Bildirilir ki, İnternetin fəaliyyətində yaranmış problemlərlə bağlı bir sıra ölkələrin provayderləri və saytları məlumat verib.

Hakerlərin istifadə etdikləri boşluğun 8 milyondan çox qurğuda mövcud olduğunu bildirən ekspertlər provayderlərin hazırkı vəziyyətini kritik qiymətləndiriblər. “Cisco” tərtibatçıları tərəfindən səhvi aradan qaldıran proqram təminatı buraxılıb. Lakin bu proqram təminatı şirkətin aparatlarının cüzi hissəsində quraşdırılıb.

Qeyd edək ki, boşluğun mövcudluğu hələ ötən ildən məlum olub. “Cisco” şirkəti administratorlar üçün yaranmış problemin aradan qaldırılmasına kömək edəcək təlimatlar dərc edib.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

"ELM VƏ İNNOVASİYA" VERİLİŞİ
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR