Nitqi mətnə çevirən proqram hazırlanıb 07.03.2018    13:50 / Texnoloji yeniliklər

İspaniyanın Barselona şəhərində keçirilən, mobil sənayenin ən böyük sərgisi olan “Mobile World Congress 2018”də nitqi mətnə çevirən proqram təqdim olunub.

techcult.ru saytının məlumatına görə, bu kimi proqramların ümumi çatışmazlığı mətnin qeyri-dəqiqliklə tərtib edilməsidir. Keyfiyyətli proqramlar isə yüksək qiymətə malikdir. “Otter” onlardan real vaxt rejimində nitqi mətnə çevirən süni intellektlə təchiz edilməsi ilə fərqlənir. Süni nitqin sintezi üçün artıq perspektivli alqoritmlər yaradılıb ki, sözügedən proqram da onlara əsaslanır. Bu alqoritmlərdən biri də yüksək dəqiqliyi ilə seçilən “Google DeepMind”dır.

Süni intellektə əsaslanan ödənişsiz proqram “Yazı” düyməsini sıxmaqla işə başlayır. İstifadəçi danışmağa başladıqda smartfonun ekranında mətnin ilkin variantı meydana çıxır. Fikir tamamlandıqdan sonra süni intellekt mətni redaktə edir. “Otter” müsahibə zamanı mətni aydın replikalara bölərək, hər iki iştirakçını müəyyən edir. Bunun üçün müsahibə alan şəxs dialoqa başlamazdan əvvəl mikrofona bir neçə cümlə söyləyərək, öz “səs izi”ni qeyd etməlidir.

Proqramın çatışmazlıqlarına durğu işarələrinin qoyulması ilə bağlı çətinlikləri, izdihamlı yerlərdə və ya səs-küylü məkanlarda işləmə problemlərini aid etmək olar. İstehsalçılar proqramı zamanla təkmilləşdirərək bu kimi problemləri aradan qaldıracaqlarını bildiriblər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

17 May – Ümumdünya Telekommunİkasİya və İnformasİya Cəmİyyətİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR