İnstitutda Ümumdünya Mülki Müdafiə Gününə həsr olunmuş tədbir keçirildi 01.03.2018    14:00 / Konfranslar, iclaslar

Bu gün AMEA İnformasiya Texnologiyaları İnstitutunda 1 mart – Ümumdünya Mülki Müdafiə Gününə həsr olunmuş tədbir keçirildi.

Tədbiri giriş sözü ilə açan institutun Ümumi işlər üzrə direktor müavini Şakir Mehdiyev 1 mart tarixinin 1972-ci ildən etibarən Beynəlxalq Mülkü Müdafiə təşkilatının qərarı ilə bütün ölkələrdə Ümumdünya Mülkü Müdafiə günü kimi qeyd edildiyini bildirdi. Azərbaycanın bu nüfuzlu beynəlxalq təşkilata 1993-cü ildən üzv olduğunu söyləyən Ş.Mehdiyev Mülkü Müdafiə (MM) orqanları qarşısında duran əsas vəzifənin əhalinin mühafizəsini təşkil etmək, onların fövqəladə hallardan mühafizə sahəsində hazırlığını təmin etməkdən ibarət olduğunu nəzərə çatdırdı.

Direktor müavini bu məqsədlə qurumda bütün lazımı tədbirlərin görüldüyünü, institut əməkdaşlarına təxliyyə planlarının təqdim olunduğunu, bütün mərtəbələrdə odsöndürən balonların yerləşdirildiyini, yeni təmirdən çıxmış MM anbarında əleyhiqaz və səs gücləndiricilərinin mövcud olduğunu qeyd etdi. Ş.Mehdiyev, həmçinin institutun yanğından mühafizə sistemləri ilə təchiz edildiyini diqqətə çatdırdı.

Sonra institutun Mülki Müdafiə qərargahının rəisi Xalıq Həsənov çıxış edərək MM-in əsas məqsədinin fövqəladə hadisələrin qarşısının alınması istiqamətində profilaktik tədbirlər planının hazırlanması, maariflənmə yolu ilə bir çox fövqəladə hallarda, istehsalat qəzaları və digər hadisələrin qarşısının alınmasında qabaqlayıcı tədbirlərin həyata keçirilməsi olduğunu vurğuladı.

O, həmçinin təbii fəlakətlər, istehsalat qəzaları və fövqəladə hallar zamanı davranış qaydalarını əyani olaraq nümayiş etdirdi.

Sonda bir sıra təklif və tövsiyələr səsləndirildi, suallar cavablandırıldı.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

17 May – Ümumdünya Telekommunİkasİya və İnformasİya Cəmİyyətİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR