İnstitut alimlərinin məqaləsi nüfuzlu jurnalda dərc olunub 05.02.2018    14:45 / Mühüm hadisələr

AMEA İnformasiya Texnologiyaları İnstitutunun texnologiyalar üzrə direktor müavini, texnika üzrə fəlsəfə doktoru, dosent Rəşid Ələkbərov və institutun sektor müdiri Oqtay Ələkbərovun həmmüəllifi olduqları “Effective use Method of Cloudlet Resources by Mobile Users” (Mobil istifadəçilərin cloudletlərin resurslarından səmərəli istifadəsi metodu – DOI: 10.5815/ijcnis.2018.02.06) adlı məqalə “International Journal of Computer Network and Information Security” (IJCNIS) jurnalında dərc olunub.

Məqalədə mobil bulud texnologiyaların arxitekturası araşdırılmış, bu texnologiyanın üstünlükləri və istifadəsi zamanı meydana çıxan problemlər təhlil edilmişdir. İyerarxik strukturlu mobil hesablama buludlarının ikinci səviyyəsində cloudletlər əsasında şəbəkə infrastrukturunun yaradılması məsələləri analiz edilmiş, eyni zamanda bu texnologiyadan istifadə etməklə mobil avadanlıqların hesablama və yaddaş resurslarına olan təlabatının təmin edilməsi məsələləri tədqiq edilmişdir. Məqalədə naqilsiz şəhər miqyaslı şəbəkələrin baza stansiyalarının yaxınlığında yerləşdirilən cloudletlərin əlaqələndirilməsi məsələsinin bir həlli verilmişdir.

Həmçinin mobil hesablama buludlarında cloudletlərdən səmərəli istifadə ediməsi məqsədilə onlar arasında əlaqə kanallarının sayı müəyyənləşdirilmişdir. Cloudletlərin əhəmiyyətini təyin edən mümkün qiymətlərdən istifadə etməklə zəruri proqram əlavələrinin hansı cloudletə yüklənməsi üçün şərtlər araşdırılmış və metod təklif edilmişdir. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

17 May – Ümumdünya Telekommunİkasİya və İnformasİya Cəmİyyətİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR