3D-printerdə çap edilmiş toxuma ilk dəfə transplantasiya olunub 02.11.2017    10:00 / Texnoloji yeniliklər

Məlumdur ki, son zamanlar 3D-çap texnologiyası sürətlə yayılmağa başlayıb. Dünyada ilk dəfə olaraq Yaponiyanın Kyusyu Universitetindən alimlər qrupu 3D-printerdə çap edilmiş qaraciyəri müvəffəqiyyətlə transplantasiya ediblər.

Təcrübələr ilk olaraq siçovullar üzərində aparılıb. Tədqiqatçıların bildirdiyinə görə, transplantasiyadan bir həftə sonra yeni toxuma tamamilə uyğunlaşıb. Bu, transplantologiya sahəsində böyük irəliləyiş hesab olunur: əməliyyatın müvəffəqiyyəti sübut edir ki, donor orqanı gözləmədən tam orqanı dəyişdirmək yerinə, onun hissələrini əvəz etmək mümkün olacaq.

hi-news.ru saytının məlumatına görə, 3D-toxumanın iynəli massivlərin köməyi ilə fiksasiyası sistemi mürəkkəb geometriyalı toxuma istehsal etməyə imkan verib. Bu metod yüzlərlə qaraciyər hüceyrəsinin üçölçülü bioçapdan istifadə etməklə birləşdirilməsinin xüsusi üsulundan ibarətdir. Bundan başqa, yeni metod bir sıra üstünlüklərə malikdir: birincisi, o damar zədələnməsinə səbəb olmur, ikincisi, transplantat və orqanın toxumaları arasında bilavasitə əlaqə hesabına yeni toxuma çox sürətli yaranır.

Yeni texnologiyanın mahiyyəti ondan ibarətdir ki, transplantasiya olunacaqhüceyrələr sınaq şüşəsində yetişdirilmir. Onun insan orqanizminin daxilində yerləşdirilməsi immun sistemi tərəfindən transplantatın qəbul olunmaması ilə bağlı allergik reaksiyalar və neqativ nəticələrdən yan keçməyə imkan verir. Yapon alimləri iddia edirlər ki, yeni metod yalnız qaraciyər toxumalarının dəyişdirilməsi üçün deyil, digər orqanların transplantologiyasında da istifadə oluna bilər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

17 noyabr – Azərbaycanın Mİllİ Dİrçəlİş Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR