Texniki xidmət texnologiyaları sahəsində tədqiqatlar aparılır 01.11.2017    03:42 / Konfranslar, iclaslar

AMEA İnformasiya Texnologiyaları İnstitutunun Elmi şurasının iclasında 11 saylı şöbənin müdiri Şakir Mehdiyevin rəhbərlik etdiyi şöbənin illik hesabatı dinlənildi. Öncə məruzəçi elmi-tədqiqat işləri haqqında məlumat verdi. O, il ərzində korporativ mühitdə kompüter xidmətlərinin keyfiyyətinin yüksəldilməsinin metod və alqoritmlərinin işlənməsi, kiber-fiziki sistemlər və sensorlar, texniki xidmət texnologiyaları istiqamətində araşdırmaların aparıldığını diqqətə çatdırdı.

Ş.Mehdiyev şöbənin elmi-innovasiya və praktiki fəaliyyəti çərçivəsində AMEA RH Mərkəzi Aparatı üzrə və əsas binada konfrans və iclasların müşayiət olunması və İnternet yayımın təmin olunması, viki-mühitdə İKT ilə əlaqədar işlərin yerinə yetirilməsi ilə bağlı görülmüş işlər haqqında məlumat verdi. İnstitutun Tədris-İnnovasiya Mərkəzində dərslərin və imtahanların keçirilməsinə texniki dəstəyin göstərildiyini qeyd etdi.

Məruzəçi şöbə əməkdaşlarının beynəlxalq və respublika səviyyəli elmi konfranslarda iştirak etdiyini və 3 konfrans materialının nəşr olunduğunu, tanınmış elmi jurnalda isə 1 məqalənin dərc edildiyini vurğuladı.

Şöbə rəhbəri, həmçinin hesabat ilində elmi-pedaqoji və elmi-təşkilati fəaliyyət, elmi-praktiki nəticələrin KİV-də təbliği çərçivəsində həyata keçirilən tədbirləri diqqətə çatdırdı.

Hesabata dair geniş fikir mübadiləsi aparıldı, sual və təkliflər səsləndirildi.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.   

17 noyabr – Azərbaycanın Mİllİ Dİrçəlİş Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR