2,5D-çap texnologiyası hazırlanıb 10.10.2017    12:50 / Texnoloji yeniliklər

Dünyanın inkişaf etmiş ölkələrinin sakinlərinin əksəriyyəti 3D-çap termini ilə tanışdır. 2,5D-çap texnologiyası isə bu sahədə yenilik hesab edilə bilər. 3-6 oktyabr tarixlərində keçirilən Beynəlxalq “Ceatec Japan” qabaqcıl texnologiyalar sərgisində Yaponiyanın “Casio” şirkəti “Mofrel” çap texnologiyasına əsaslanan printerini təqdim edib. Bu texnologiya xüsusi olaraq hazırlanmış səthlərə müxtəlif teksturlar verir, sonda onları 16 milyon rəng çaları ilə boyayır.

techcult.ru saytının məlumatına görə, yeni printerin hədəf auditoriyası dizaynerlərdir. “Mofrel” texnologiyası onlara xüsusi “rəqəmsal vərəqlərdə” parça, ağac, daş və keramikanın teksturlarını təqlid etmək imkanı verəcək. Onlar zahirən adi kağız vərəqlərinə bənzəsələr də, tərkibində karbohidrogen və akrilonitril olan mikrotoz qatını özündə ehtiva edirlər.

Vərəq printerin istiliyinin təsiri altında dizaynerə lazım olan təsvir alınana qədər xarici teksturunu dəyişərək genişlənir. Bundan sonra istilik mənbəyi sönür, təsvir isə qalır. Teksturun formalaşmasına daha yaxşı nəzarət etmək üçün naxış əvvəlcə karbon mikroörtüyü şəklində vərəqin səthində çap edilir. Sonra karbon hissəcikləri infraqırmızı şüalanmanın təsiri altında istiliyi tozun mikroqatının lazımi hissələrinə fokuslayır. Bütün proses 3-5 dəqiqə davam edir.

Şirkət nümayəndələri ümid edirlər ki, 2,5D-çap texnologiyası müxtəlif teksturlara malik qeyri-adi təsvirlərin smartfonların korpuslarına çəkilməsi üçün smartfon istehsalçıları tərəfindən tələb ediləcək. Yaxın zamanlarda adi istehlakçılar üçün də əlçatan olan versiya istehsal ediləcək. “Casio” 2,5D sənaye printerinin qiyməti 44000 dollar təşkil edir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

18 oktyabr – Azərbaycanın Dövlət Müstəqİllİyİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR