40 dilə tərcümə edən qulaqlıqlar təqdim edilib 06.10.2017    12:08 / Texnoloji yeniliklər

“Google” şirkəti nitqi real vaxt rejimində tərcümə edən “Pixel Buds” simsiz qulaqlıqlarını təqdim edib. Sahibinə əcnəbilərlə ünsiyyət qurmağa kömək edən qulaqlıqlar 40 dilə tərcüməni həyata keçirə biləcək. Bu funksiya yalnız qulaqlıqlar Bluetooth-interfeys vasitəsilə “Google Pixel 2” smartfonuna qoşulduqda əlçatan olur.

nanonewsnet.ru saytının məlumatına görə, səs köməkçisindən istifadə etmək üçün sağ qulaqlıqda olan sensora toxunmaq və “Google Assistant”ın işə düşməsini gözləmək lazımdır. Bundan sonra “Google Assistant”a musiqini qoşmaq, yol göstərmək, zəng vurmaq kimi bir çox əmrlər vermək olar. İstifadəçi “mənə yapon dilində danışmağa kömək et” dedikdə və ingilis dilində danışmağa başladıqda smartfonun səsgücləndiricisi onun sözlərini yapon dilində səsləndirəcək. Həmsöhbətin tərcümə edilmiş cavabı isə qulaqlıqlarda eşidiləcək.

Şirkət nümayəndələri aksessuarı nümayiş etdirdikdə tərcümə zamanı heç bir ləngimə müşahidə olunmayıb. Lakin hələ ki, qulaqlıqların real şəraitdə (fondakı səs-küy və digər çətinliklər zamanı) necə işləyəcəyi məlum deyil.

Xüsusi keysdə enerji toplayan və saxlanılan “Pixel Buds” artıq ilkin sifariş üçün “Google” mağazasının veb-saytında əlçatandır. Noyabr ayında satışa çıxarılacaq qulaqlıqların qiyməti 159 ABŞ dolları təşkil edəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

12 dekabr - Ümummİllİ lİder Heydər Əlİyevİn anım günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR