Əlavə reallıq eynəyi cinayət işlərinin araşdırılmasında tətbiq olunacaq 13.09.2017    03:50 / Maraqlı məlumatlar

7 il əvvəl polisləri əlavə reallıq eynəyində yalnız kinoda və ya kompüter oyunlarında görmək mümkün idi. Bu, fantastika kimi görünsə də, artıq “Microsoft HoloLens” qarnituru və “Black Marble” şirkətinin “Scene of Crime Application” proqramı sayəsində reallığa çevrilir.

3dnews.ru saytının məlumatına görə, proqram hüquq-mühafizə orqanları əməkdaşlarına cinayətin törədildiyi məkanı araşdırmağa kömək etmək üçün nəzərdə tutulub. Proqramı “HoloLens” eynəyində istifadəyə verdikdə polislər dəlilləri virtual markerlər vasitəsilə qeyd edərək və onları toxunulmaz saxlayaraq sübut bazasını kontaktsız metodla toplaya bilərlər. Nəticədə “Scene of Crime Application” müstəntiqlərə reallıqda bütün dəlillər artıq məhv edilmişsə belə, hadisə yerinə “qayıtmağa” imkan verəcək.

“Black Marble” heyətinin “HoloLens” üçün hazırladığı daha bir proqram “Command and Control” adlanır və mobil əmr mərkəzini təşkil edir. Proqram əlavə reallıq eynəyinin küçələrdə patrul xidməti kimi tətbiqini nəzərdə tutur. Bu zaman bölmədə olan zabit əməkdaşların olduğu yer haqqında məlumatları əldə edəcək və onların gördüklərinin təsvirini görəcək. Bundan başqa, proqram hərəkətlərin koordinasiyası və təcili çağırışların bölgüsü üçün əməkdaşların bir-biri ilə ünsiyyət saxlaması imkanını təqdim edir.

Artıq “HoloLens” üçün “Black Marble” proqramları polis bölməsində sınaqdan keçirilib və asayiş keşikçilərindən müsbət rəylər alıb. Polis əməkdaşları oxşar texnologiyaların onların işində inqilab edəcəyinə inandıqlarını bildiriblər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

17 noyabr – Azərbaycanın Mİllİ Dİrçəlİş Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR