Data Mining texnologiyalarına dair araşdırmalar davam etdirilir 16.05.2017    05:00 / Konfranslar, iclaslar

AMEA İnformasiya Texnologiyaları İnstitutunda 13 saylı şöbənin “Data Mining: Concepts and Techniques” kitabı əsasında aparılan “Data Mining” kursu üzrə növbəti elmi seminarı keçirildi. Seminar kitabın üçüncü fəslinin – Verilənlərin ilkin emalının müzakirəsinə həsr olunmuşdur.

İnstitutun magistrantı Şəlalə Mansurova “Data Mining” mövzusunda məruzəsini təqdim etdi. Yeni və dinamik inkişaf edən elm sahələrindən olan “Data Mining” vasitəsilə böyük həcmli verilənlər toplusundan lazımi bilik və informasiyanın əldə edildiyini söylədi. O, kitabın üçüncü fəslini əhatə edən verilənlərin təmizlənməsi, inteqrasiyası, ölçünün azaldılması, transformasiyası mərhələləri haqqında m'lumat verdi.

“Verilənlərin inteqrasiyası analiz edilən çoxsaylı və müxtəlif verilən mənbələrinin inteqrasiyasından ibarətdir”, – deyə bildirən məruzəçi verilənlərin inteqrasiyası zamanı yaranan problemlərdən danışdı. Bu zaman rast gəlinən identifikasiya probleminin həlli kimi metaverilənlərin daxil edildiyini qeyd etdi.

O, verilənlərin transformasiyası üçün normallaşdırma metodlarından istifadə olunduğunu bildirərək burada normallaşdırmanın “min-max”, “z-score” normallaşdırma və s. kimi növlərinin tətbiq olunduğunu vurğuladı.

Sonda məruzə ətrafında fikir mübadiləsi aparıldı, suallar cavablandırıldı. Magistrantın elmi rəhbəri, AMEA-nın müxbir üzvü, texnika elmləri doktoru Ramiz Alıquliyev tədqiqatların dərinləşdirilməsinin vacibliyini qeyd etdi, təklif və tövsiyələrini səsləndirdi.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.

18 oktyabr – Azərbaycanın Dövlət Müstəqİllİyİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR