3D qrafik redaktorları müqayisəli təhlil olundu 16.05.2017    03:42 / Konfranslar, iclaslar

AMEA İnformasiya Texnologiyaları İnstitutunda 18 saylı şöbənin 3D qrafik redaktorların müqayisəli təhlili məsələsinə həsr olunmuş növbəti elmi seminarı keçirildi. Məruzəni təqdim edən şöbə müdiri Anar Səmidov bildirdi ki, üçölçülü (3 Dimensions-3D) ingilis dilindən tərcümədə virtual yaradıcılıq deməkdir. Kompüter qrafikası bir çox sahələrdə geniş tətbiq olunur. Qrafik redaktorlar tətbiq sahəsindən asılı olmayaraq bir qayda olaraq hər biri alətlər paneli, hazır şəkillər toplusu, şriftlər kimi funksiyalara malik olmalıdır.

A.Səmidovun sözlərinə görə, 3D modelləşdirmə və animasiya yüksək ödəniş tələb edən xidmətdir. Bu sahə çox sayda üçölçülü qrafika üzrə mütəxəssisləri bir araya gətirir. Hazırda müasir kompüter qrafikası bazarında gənc mütəxəssislərə təlabat həddindən artıq böyükdür.

Sonra məruzəçi “Blender 3D qrafik redaktoru” haqqında məlumat verdi. Bildirdi ki, bu ödənişsiz redaktorun öyrənilməsi olduqca asandır. Redaktor mütəmadi olaraq inkişaf edir, əsas müsbət tərəfi isə onun həcminin çox kiçik olmasıdır. Proqramda üçölçülü qrafikanın yaradılması üçün kifayət qədər alətlər toplusu var. O, Linux və Windows kimi əməliyyat sistemlərində işləyə bilir.

Autodesk redaktoru olan 3D StudioMax memarlığın vizuallaşmasında böyük rol oynaması ilə tanınır.  Onun köməyilə tikilməsi nəzərdə tutulan binanın üçölçülü modelini əvvəlcədən hazırlayaraq sifarişçiyə yekun nəticə kimi təqdim etmək mümkündür.

Vue 9.5 Xstream qrafik redaktoru isə 3D landşaftın qurulması üçün çox sayda müxtəlif baza elementlərinə malikdir: materialların ilkin hazır formaları, bitki növləri, müxtəlif işıqlandırmalar və s.

Məruzəçi, həmçinin Maya və Cinema 4D üçölçülü qrafik redaktorları haqqında məlumat verərək, onları müqayisəli təhlil etdi.

Məruzə ətrafında müzakirələr aparıldı, təklif və tövsiyyələr irəli sürüldü.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

26 İyun - Azərbaycan Respublİkası Sİlahlı Qüvvələrİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR