Şəbəkə trafikinin modelləşdirilməsi metodları tədqiq olunur 16.03.2017    11:10 / Konfranslar, iclaslar

AMEA İnformasiya Texnologiyaları İnstitutunun 2 saylı şöbəsinin “Şəbəkə trafikinin modelləşdirilməsi metodları” mövzusuna həsr olunmuş növbəti elmi seminarı keçirildi. Məruzəni təqdim edən institutun baş elmi işçisi, texnika üzrə fəlsəfə doktoru, dosent Ramiz Şıxəliyev mövzunun aktuallığını önə çəkərək müasir kompüter şəbəkələrinin etibarlığı və əlyetərliyini təmin etmək üçün onların fəaliyyətinin effektivliyinin dəqiq qiymətləndirilməsinin çox vacib olduğunu bildirdi. Şəbəkə trafikinin modelləşdirilməsinin kompüter şəbəkələrinin məhsuldarlığının idarə edilməsi və şəbəkə xidmətlərinin istifadəçilərin tələblərinə uyğun olaraq, etibarlı şəkildə yüksək keyfiyyətinin təmin edilməsi üçün zəruri olduğunu vurğuladı.

Bütün növ şəbəkə trafiklərinin xarakteristikalarının analizi üçün vahid effektiv şəbəkə trafiki modeli olmadığını qeyd edən R.Şıxəliyev seminar iştirakçılarını şəbəkə trafikinin müxtəlif modelləri ilə tanış etdi. Hər bir model barədə ətraflı məlumat verərək şəbəkə trafiki modellərinin üstün və çatışmayan cəhətlərini də diqqətə çatdırdı. Şəbəkənin növü və analiz edilən trafikin xarakteristikalarının şəbəkə trafiki modelinin seçilməsinə təsir göstərdiyini qeyd etdi.

Məruzəçi bildirdi ki, istifadə edilən model faktiki şəbəkə trafikinin xarakteristikalarını effektiv şəkildə təsvir etməyə imkan vermədikdə bu model əsasında şəbəkənin məhsuldarlığının qiymətləndirilməsi adekvat olmayacaq və yüksək xidmət keyfiyyətinin təmin edilməsi çətinləşəcək.

Sonda mövzu ətrafında müzakirələr aparıldı, suallar cavablandırıldı.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

26 İyun - Azərbaycan Respublİkası Sİlahlı Qüvvələrİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR