Yeni çip nitqin tanınması imkanlarını genişləndirəcək 17.02.2017    03:00 / Texnoloji yeniliklər

Massaçusets Texnologiya İnstitutunun alimləri nitqin avtomatik tanınması üçün yüksək keyfiyyətli çip hazırlayıblar.

“Amazon” şirkətinin “Echo”, “Google”un “Home” və “Apple”ın “Siri” səs köməkçiləri sayəsində biz elektron qurğularımızla “ünsiyyət qururuq”. Massaçusets Texnologiya İnstitutunun alimləri bu tendensiyanı nəzərə alaraq xüsusi olaraq nitqin avtomatik tanınması üçün enerjiyə qənaət edən və məhsuldar çip hazırlayıblar.

naked-science.ru saytının məlumatına görə, yeni çip müasir smartfonlarda nitqin tanınması üçün istifadə edilən tipik həllərlə müqayisədə enerjiyə 90-99 faiz qənaət edəcək. Məsələn, “iPhone” smartfonlarında “Siri” səs köməkçisi ilə ünsiyyət qurmaq üçün tətbiq edilmiş qurğu 1 vatt həcmində enerji sərf edir. Yeni çip isə müvafiq işin yerinə yetirilməsinə 0,2-10 millivatt enerji sərf edəcək.

Yeni tətbiqdən mobil qurğularda istifadədən başqa, çipləri enerjini az miqdarda istehlak etməklə adi tənzimləyicilər və digər qurğulara yerləşdirmək mümkün olacaq ki, bu da Əşyaların İnterneti texnologiyalarının inkişafına güclü təkan verəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

15 Sentyabr – Azərbaycanda Bİlİk Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR