AMEA Fizika İnstitutunun şəbəkə infrastrukturu yenidən qurulub 14.02.2017    03:30 / Mühüm hadisələr

Məlumdur ki, AMEA Rəyasət Heyətinin “AzScienceNet Elm-Kompüter Şəbəkəsinin fəaliyyətinin gücləndirilməsi haqqında” 14 dekabr 2016-cı il tarixli qərarından irəli gələn vəzifələrin icrası istiqamətində müvafiq tədbirlər həyata keçirilir. Bu məqsədlə AMEA İnformasiya Texnologiyaları İnstitutunun texniki dəstəyi ilə akademiyanın bir sıra institut və təşkilatlarında şəbəkə infrastrukturu yenidən qurulur.

Bu yaxınlarda AMEA Fizika İnstitutunda da Wi-Fi şəbəkə texnologiyasının infrastrukturu yenidən qurulmuş və Eduroam xidməti qurumun əməkdaşlarının istifadəsinə təqdim olunmuşdur.  

İnformasiya Texnologiyaları İnstitutunun direktor müavini, texnika üzrə fəlsəfə doktoru, dosent Rəşid Ələkbərovun verdiyi məlumata görə, Fizika İnstitutunda bu istiqamətdə işlərin görülməsi institutun gələcək fəaliyyətinin daha səmərəli təşkilinə, alim və mütəxəssislərinin Avropa elmi mühitinə inteqrasiya olunmasına daha geniş imkanlar yaradacaq.

Qeyd edək ki, GEANT (Avropanın elm və təhsil üçün kompüter şəbəkəsi) tərəfindən təqdim edilən Eduroam (education roaming) xidməti alim, tədqiqatçı, müəllim və tələbələrin internetə təhlükəsiz və sərbəst çıxışını təmin edən beynəlxalq rouminq xidmətidir. Bu xidmətə qoşulan istifadəçilər ölkə daxilində və xaricdə minlərlə elm və təhsil qurumunun ərazisində olarkən İnternetə simsiz şəbəkə üzərindən asan, ödənişsiz və təhlükəsiz çıxış imkanı əldə edir.

Ölkəmizdə Eduroam şəbəkəsinin yaradılması GEANT Assosiasiyasında Azərbaycanı təmsil edən İnformasiya Texnologiyaları İnstitutu tərəfindən həyata keçirilir. Eduroam xidməti institut tərəfindən AzScienceNet elm-kompüter şəbəkəsinin bazasında yaradılıb. AMEA-nın bir sıra institut və təşkilatlarında qurulmuş Milli Eduroam serveri Avropa Eduroam Konfederasiyasında qeydiyyatdan keçib.  

Yaxın zamanda AMEA Biofizika İnstitutunda da şəbəkə infrastrukturunun yenidən qurulması planlaşdırılır. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

26 İyun - Azərbaycan Respublİkası Sİlahlı Qüvvələrİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR