Mətnin referatlaşdırılması üçün model təklif olunub 11.01.2017    03:22 / Mühüm hadisələr

AMEA İnformasiya Texnologiyaları İnstitutunun direktoru, akademik Rasim Əliquliyev, şöbə müdiri, texnika üzrə elmlər doktoru Ramiz Alıquliyev, institutun əməkdaşı Nicat İsazadə və Malaya Universitetinin (Malayziya) alimləri – Asad Abdi, Norisma İdrisin həmmüəllif olduqları “Mətnin referatlaşdırılması üçün model” (A Model for Text Summarization) adlı məqalə “International Journal of Intelligent Information Technologies” jurnalında dərc olunub.

Mətnin referatlaşdırılması sənədin əsas məzmununu saxlamaqla onun qısa versiyasının yaradılması prosesidir. Referatlaşdırmada əsas problemlər bütün mövzuları əhatə etmək və məzmuna görə bir-birini təkrarlayan cümlələrin iştirakını minimallaşdırmaqdır. Bu məqsədlə məqalədə cümlələrin ikimərhələli seçim modeli təklif olunub. İlk mərhələdə mətndəki bütün mövzuların aşkar edilməsi üçün cümlələr “k-means” metodunun köməyilə klasterləşdirilir. İkinci mərhələdə isə hər bir klasterdən məzmunca bir-birindən fərqli olan informativ cümlələrin seçilməsi üçün optimallaşdırma modeli təklif edilir.

Qeyd edək ki, “International Journal of Intelligent Information Technologies” jurnalı “Web of Science” (Thomson Reuters) bazasında indeksləşir. Jurnalda paylanmış intellektual sistemlər və texnologiyalar, intellektual Web-mining və biliyin aşkarlanması sistemləri, məxfilik, təhlükəsizlik və inam məsələləri, semantik veb və s. kimi mövzulara həsr olunmuş məqalələr nəşr edilir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

12 dekabr - Ümummİllİ lİder Heydər Əlİyevİn anım günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR