“Eljakim Information Technology” şirkətinin rəhbəri İnformasiya Texnologiyaları İnstitutunda məruzə ilə çıxış etdi 02.12.2016    01:46 / Görüşlər

1 dekabr 2016-cı il tarixdə AMEA İnformasiya Texnologiyaları İnstitutunda Beynəlxalq İnformatika Olimpiadası (International Olympiad in Informatics - IOI) təşkilat komitəsinin üzvü, Niderland IOI komandasının, o cümlədən “Eljakim Information Technology” şirkətinin rəhbəri, Kompüter Texnikası Assosiasiyasının (Association for Computer Machinery - ACM) əməkdar üzvü Elyakim Sxreyvers ilə görüş  keçirildi.

Görüşdə ADA Universitetinin İnformasiya Texnologiyaları və mühəndislik fakültəsinin baş müəllimi, Azərbaycan ACM bölməsinin icraçı şurasının üzvü Araz Yusubov, AR Təhsil Nazirliyinin Təhsilin idarə olunmasının məlumat sistemləri şöbəsinin müdiri İsmayıl Sadıqov, ümumtəhsil məktəblərində  İnformatika fənninin tədrisi ilə məşğul olan qabaqcıl müəllimlər, eləcə də İnformasiya Texnologiyaları İnstitutunun alim və mütəxəssisləri iştirak edirdilər.

E.Sxreyvers “İstedadlı şagirdlər üçün əhatəli İnformatika kurrikulumu” adlı məruzəsini təqdim edərək  bildirdi ki, İnformatika sahəsi daim inkişaf etdiyindən, bu fənni tədris edən müəllimlər mütəmadi olaraq özlərini təkmilləşdirməli və inkişaf etdirməlidirlər.

O, ibtidai sinifdən tutmuş, ali məktəb səviyyəsinə qədər informatikanın tədrisini əhatə edən kurrikulum layihəsi barədə məlumat verərək İnformatika fənninin bu proqrama əsasən tədrisinin şagirdlərdə alqoritmik düşüncə tərzinin inkişaf etdirilməsinə xidmət etdiyini vurğuladı. Bildirdi ki, vacib məqamlardan biri şagirdlərə müxtəlif əyləncəli oyun və tapmacalar təklif edərək xüsusi bacarıqlar tələb etmədən onların potensialını həvəsləndirici qiymətləndirmək imkanıdır.

Qonaq, həmçinin qeyd etdi ki, bu layihənin üstün cəhətlərindən biri də ondan ibarətdir ki, tədris proqramı adaptivdir və hər bir şagirdin bacarıqlarına uyğun şəkildə təqdim olunur. 

Məruzəçinin sözlərinə görə, bu sahədə orta və aşağı biliklərə malik olan şagirdləri də düzgün şəkildə həvəsləndirməklə onların bacarıqlarını önə çıxarmaq mükündür. Əsas məqsəd şagirdlərin zəif cəhətini müəyyənləşdirmək deyil, onların bilik və bacarıqlarını aşkar etmək və inkişaf etdirməkdir. O, həmçinin İnformatika fənninin tədrisi zamanı proqramlaşdırma ilə yanaşı, nəzəri biliklərin aşılanmasının da olduqca vacib olduğunu vurğuladı.  

E.Sxreyvers İnformatika üzrə beynəlxalq “Bebras” müsabiqəsi haqqında məlumat verərək bu müsabiqənin proqramlaşdırma tələb etmədən şagirdlərin alqoritmik düşüncəsini qiymətləndirməyə imkan verdiyini dedi.

O, Azərbaycanda 2019-cu ildə keçiriləcək Beynəlxalq İnformatika Olimpiadasına şagirdlərin seçilməsi ilə bağlı təkliflərini də səsləndirdi. Həmçinin Azərbaycanda  İnformatika fənninin tədrisi sahəsində öz təcrübəsini bölüşməyə və lazımi köməklik göstərməyə hazır olduğunu diqqətə çatdırdı.

Məruzə seminar iştirakçıları tərəfindən maraqla qarşılandı, çoxsaylı suallar cavablandırıldı. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

 

17 noyabr – Azərbaycanın Mİllİ Dİrçəlİş Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR