|
Üçüncü dünya müharibəsi İnternetdə başlaya bilər |
|
|
24 Yanvar 2010, saat 11:48 |
Kiberməkanda aparılan müharibədə qalib gəlməyin ən asan yolu onu dayandırmaqdır
Kiberməkanda müharibə təhlükəsinin yaranması və real həyatda zorakılıq məsələləri Cenevrədə keçirilən mətbuat konfransının əsas müzakirə mövzusu olub. Beynəlxalq Elektrorabitə İttifaqının (BEİ) “Telecom World” adlı növbəti konfransı və sərgisinin açılışına həsr olunmuş tədbirdə BEİ-nin baş katibi Hamadun Ture növbəti dünya müharibəsinin kiberməkanda başlaya biləcəyi ehtimalı ilə bağlı xəbərdarlıq edib. H.Ture kibermüharibənin baş verəcəyi halda, bu kimi vəziyyətin adi diplomatik vasitələrlə tənzimlənməsinin mümkün olmayacağını da vurğulayıb.
“Tarix göstərib ki, müharibədə zəfər çalmağın ən yaxşı üsulu müharibəyə başlamamaqdır” – bildirən baş katib BEİ-nin kiberməkanda dünyanın müdafiəsi və təhlükəsizliyi qlobal proqramını dəstəklədiyini söyləyib. H.Ture cari ilin sonunadək vətəndaşların şəbəkədə müdafiəsi, kiberterrorçuların gizlədilməsinə imtina və şəbəkə hücumlarına qarşı tədbirlərin görülməsi haqqında beynəlxalq razılaşmanın əldə olunmasının nəzərdə tutulduğunu bildirib.
Computerworld
|
