sa sa sa

AMEA İnformasiya Texnologiyaları İnstitutu aşağıdakı ixtisaslar üzrə doktorantura yolu ilə elmi kadrlar hazırlayır.

1203.01 - "Kompüter elmləri"

3338.01 - "Sistemli analiz, idarəetmə və informasiyanın işlənməsi" (sahələr üzrə)

3339.01 - "İnformasiyanın mühafizə üsulları və sistemləri, informasiya təhlükəsizliyi"

 

Doktoranturaya qəbul qaydaları

Əyani doktoranturaya tam ali təhsilli (magistraturanı bitirmiş, yaxud keçmiş beşillik təhsil alan), elmi-tədqiqat işində nailiyyət qazanmış, ali məktəblərdə və başqa təşkilat və idarələrdə çalışan mütəxəssislər qəbul edilirlər.

Gənc mütəxəssislər ancaq ali təhsil müəssisəsi (fakültə) Elmi Şurasının zəmanəti ilə bilavasitə ali təhsil müəssisəsini (magistraturanı) bitirdikdən sonra imtahanlarda iştirak etməyə buraxılırlar.

Doktoranturaya qəbul haqqında ərizə aşağıdakı əlavələrlə elmi müəssisə rəhbərinin adına yazılır:

  •  kadrların şəxsi-qeydiyyat vərəqi (3x4 sm ölçüdə 4 ədəd fotoşəkil ilə birlikdə);
  •  tərcümeyi-hal;
  •  iş yerindən xasiyyətnamə;
  •  elmi işlər, ixtiralar və elmi-tədqiqat işləri üzrə hesabatların siyahısı; çap olunmuş elmi işləri və ixtiraları olmayan şəxslər seçdikləri ixtisas üzrə elmi məruzə(referat) təqdim edirlər;
  •  ali təhsil müəssisəsini bitirmək haqqında diplomun surəti və qiymət cədvəlindən çıxarış;
  •  xarici dil bilikləri üzrə beynəlxalq sertifikat (əgər varsa);
  •  əmək kitabçasının surəti;
  •  şəxsiyyət vəsiqəsi və ali təhsil müəssisəsini bitirmək haqqında diplomun əsli doktoranturaya qəbul olmaq istəyən şəxs tərəfindən şəxsən təqdim edilir.

Doktoranturaya qəbul olmaq istəyən şəxslər alitəhsil müəssisələrində qüvvədə olan proqram həcmində aşağıdakı fənlər üzrə qəbul imtahanları verirlər:

  •  ixtisas fənni üzrə;
  •  fəlsəfə üzrə; 
  •  xarici dillərdən biri üzrə (ingilis, fransız, alman).

 Doktoranturaya qəbul imtahanları təqvim ili müddətində qüvvədədir.

Qəbul imtahanları oktyabr ayında keçirilir.

Doktoranturaya qəbul imtahanlarına buraxılmış şəxslərə imtahanlara hazırlaşmaq və onları vermək üçün əmək haqqı saxlanılmaqla iş yerindən 30 təqvim günü müddətinə əlavə məzuniyyət verilir.

Doktorluq imtahanlarını tam, yaxud qismən verən şəxslər (imtahanların verildiyi gündən 5 ildən artıq vaxt keçməmişsə) müvafiq qəbul imtahanlarından azad edilirlər.

Qəbul olunanlar yataqxana ilə təmin olunmurlar.

 Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji naliyyəti olan, fundamental tədqiqatları yüksək səviyyədə aparmağa qadir və “Fəlsəfə doktoru” (elmlər namizədi) elmi (alimlik) dərəcəsi olan Azərbaycan Respublikasının vətəndaşları qəbul edilirlər.

 Doktoranturaya qəbul üçün aşağıdakı sənədlər təqdim edilir:

 • Ərizə (doktoranturanın fəaliyyət göstərdiyi müəssisənin və yaxud təşkilatın rəhbərinin adına);

 • Kadrların şəxsi-qeydiyyat vərəqi;

 • Tərcümeyi-hal;

 • 3 ədəd fotoşəkil (3x4 sm ölçüdə);

 • İş yerindən xasiyyətnamə;

 • Əmək kitabçasından çıxarış;

 • Çap olunmuş elmi işlərin siyahısı;

 • “Fəlsəfə doktoru” və ya “Elmlər namizədi elmi (alimlik) dərəcəsi diplomunun müvafiq qaydada təsdiq edilmiş surəti;

 • Ali təhsil müəssisəsini bitirmək haqqında diplomun müvafiq qaydada təsdiq edilmiş surəti;

 • Şəxsiyyəti təsdiq edən sənədin surəti.

 Doktoranturaya sənədlər sentyabr ayının 1-dən ilin sonunadək qəbul edilir.

 Dövlət hesabına əyani təhsil alan doktorantlara qanunvericiliklə müəyyən olunmuş məbləğdə təqaüd ödənilir və hər il məzuniyyət verilir.

 İxtisas üzrə ayrılmış yerlərin sayı elmi müəssisələr üzrə təsdiq olunmuş planlarda göstərilmişdir.

 Azərbaycan Milli Elmlər Akademiyasının elmi-tədqiqat müəssisələrinin 2016-cı il üçün doktorant və dissertant hazırlığı üzrə qəbul PLANLARI

Tel: (994 12) 5390167, (994 12) 5101260

E-mailsecretary@iit.ab.azmedine@iit.ab.az, ph.d@iit.ab.az

 

21 Fevral – Beynəlxalq Ana Dİlİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR