İyun ayının 23-də Londonda “Qlobal İnternet İdarəçilik Forumu”nun Nazirlər toplantısı öz işinə başlayıb.

Toplantıda Böyük Britaniya mədəniyyət, rabitə və kreativ sənaye nazirinin və “Qlobal İnternet İdarəçilik Forumu” baş katibinin dəvəti ilə Azərbaycanın rabitə və yüksək texnologiyalar naziri Əli Abbasovun rəhbərlik etdiyi nümayəndə heyəti iştirak edir. 

”ICTnews” elektron xəbər xidmətinin məlumatına görə, iyun ayının 24-də nazir Əli Abbasov Böyük Britaniya hökumət rəsmiləri və bir sıra texnoloji şirkət rəhbərləri ilə ikitərəfli görüşlər keçirəcək, iyunun 25-də isə “Böyük Britaniya - Azərbaycan yüksək texnologiyalar” forumu öz işinə başlayacaq. 

Forumda 30-dan çox Azərbaycan və Böyük Britaniya şirkətləri iştirak edəcək, qarşılıqlı əlaqələr və gələcək perspektivlər müzakirə olunacaq.