16-19 aprel 2019-cu il tarixlərində İspaniyanın La Toja adasında yerləşən Qalisiya vilayətində İnformasiya sistemləri və texnologiyaları üzrə 7-ci beynəlxalq konfrans – “The WorldCist'19” keçiriləcək. Tədbir tədqiqatçılara informasiya sistemləri və texnologiyaları sahəsində ən son yeniliklər, tendensiyalar və nəticələrin təqdim edilməsi, problemlərin müzakirəsi və təcrübə mübadiləsi üçün imkan yaradan qlobal forumdur.

worldcist.org saytının məlumatına görə, informasiya və biliyin idarə edilməsi; təşkilati modellər və informasiya sistemləri; proqram təminatı və sistem modelləşdirilməsi; proqram sistemləri, arxitektur, proqramlar və alətlər; multimedia sistemləri və proqramlar; kompüter şəbəkələri, mobillik və yayılma sistemləri; intellektual sistemlər və qərarların qəbulunun dəstəklənməsi sistemləri; Big Data analitikası və proqramlar; insan-kompüter qarşılıqlı əlaqəsi; etika, kompüterlər və təhlükəsizlik; səhiyyə informatikası; təhsildə informasiya texnologiyaları; radiokommunikasiyada informasiya texnologiyaları; biotibbi proqramlar üçün texnologiyalar konfransın əsas mövzularını əhatə edir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.