İran İslam Respublikası Elm, Tədqiqat və Texnologiya Nazirliyinin İran Elm və Texnologiya Təşkilatı 32-ci Beynəlxalq Xarəzm Mükafatını (BXM) (Khwarizmi International Award) elan edir.

Hər il mütəmadi olaraq təşkil edilən müsabiqənin əsas məqsədi elm və texnologiyanın müxtəlif sahələri üzrə mühüm nəticələr əldə etmiş tədqiqatçı və ixtiraçıların səylərinin qiymətləndirilməsidir.

BXM informasiya texnologiyaları, elektronika və kompüter elmləri, yaşıl texnologiyalar, sənaye və texnologiya idarəçiliyi, tibb elmləri və nanotexnologiyalar, biotexnologiyalar, kimya texnologiyaları və s. elm sahələrini əhatə edir.

Müsabiqə artıq 31 ildir ki, “COMSATS”, “ECO”, “ELSEVIER”, “ICARDA”, “IORARCSTT”, “TWAS”, “UNIDO”, “UNESCO”, “WAITRO”, “WIPO” kimi beynəlxalq təşkilatlar tərəfindən dəstəklənir.

Mükafat üçün namizədlər çalışdıqları elmi müəssisə tərəfindən təqdim edilə bilər. Müraciətlər ingilis dilində təqdim edilməlidir.

Mühüm tarixlər

Materialların qəbulu üçün son tarix: 20 noyabr, 2018

BXM laureatlarının elan olunma tarixi: dekabr, 2018

Rəsmi mükafatlandırma mərasimi: fevral, 2019

Əlavə məlumatı www.irost.org  saytından əldə etmək mümkündür.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.