İran Elm və Texnologiya Tədqiqat Təşkilatı ilə Elm və Texnologiya Nazirliyi 30-cu Xarəzm Beynəlxalq Mükafatını (Khwarizmi International Award – KIA) elan edir.

Hər il mütəmadi olaraq təşkil edilən müsabiqənin əsas məqsədi dünyanın bütün ölkələrindən olan tədqiqatçı, ixtiraçı və novatorlar tərəfindən əldə olunan mühüm elmi nailiyyətlərin mükafatlandırılmasıdır.

Müsabiqə informasiya texnologiyaları, kompüter elmləri, mexatronika, sənaye və texnologiya idarəçiliyi, tibb elmləri, kənd təsərrüfatı, biotexnologiya, nanotexnologiyalar və s. elm sahələrini əhatə edir.

Təqdim olunacaq tədqiqat işləri tətbiqi və fundamental tədqiqat, ixtira və innovasiya kateqoriyaları üzrə müəyyən olunur.

Mükafatlandırma mərasimi 2017-ci ilin fevral ayında keçiriləcək.

Mühüm tarixlər

Materialların qəbulu üçün son tarix: 30 noyabr, 2016

KIA laureatlarının elan olunması tarixi: yanvar, 2017

Əlavə məlumatı www.khwarizmi.ir saytından əldə etmək mümkündür.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.