“E-kitabxanaların formalaşması problemləri” respublika elmi-praktiki konfransı keçiriləcək

“E-kitabxanaların formalaşması problemləri” respublika elmi-praktiki konfransı keçiriləcək 10.03.2016 10:34

15 aprel 2016-cı il tarixdə AMEA İnformasiya Texnologiyaları İnstitutunda “E-kitabxanaların formalaşması problemləri” respublika elmi-praktiki konfransı keçiriləcək. Konfransın təşkilatçıları AMEA İnformasiya Texnologiyaları İnstitutu, Bakı Dövlət Universiteti, AMEA Mərkəzi Elmi Kitabxanası və Azərbaycan Kitabxana İnformasiya Konsorsiumudur.

Konfransın əsas istiqamətləri:

E-kitabxana texnologiyaları problemləri;
E-kitabxanaların bibliometrik problemləri;
E-kitabxanaların qarşılıqlı inteqrasiyası problemləri;
E-kitabxanalarda Big Data problemləri;
E-kitabxanalarda informasiya təhlükəsizliyi problemləri;
E-kitabxanaların normativ-hüquqi bazasının formalaşması problemləri;
Gələcək nəsil e-kitabxanaların formalaşması problemləri;
E-kitabxanaların idarə olunması və istismarı problemləri;
E-kitabxanalarda praktiki nailiyyətlər və təcrübə mübadiləsi.

Məruzələrin tərtibatına dair tələblər:

Konfransa onun istiqamətlərinə uyğun, aktual elmi-praktiki problemlərə həsr olunmuş və əvvəllər çap olunmamış materiallar qəbul olunur.

Məruzənin həcmi 4 səhifədən (cədvəl, şəkil və ədəbiyyat daxil olmaqla) çox olmamalıdır. Məruzə elektron şəkildə elibrary2016.iit@gmail.com ünvanına göndərilməlidir.

Məruzədə məsələnin aktuallığı, qoyuluşu və onun həlli yolları, əldə olunmuş nəticələrin elmi-praktiki əhəmiyyəti əks olunmalıdır.

Məruzənin formatı IEEE standartına uyğun olmalıdır. Faylın yaradılması üçün Sample_IEEE.doc şablonundan istifadə edilməlidir. Düsturlar “Microsoft Equation” redaktorunda (standart parametrlər ilə) yığılmalıdır. Məqaləyə məruzənin adı, xülasəsi və müəllif(lər)in soyad(lar)ı ingilis dilində əlavə edilməlidir.

Məruzəçilər “MS PowerPoint” redaktorunda “On-screen Show” (“Ekran”) formatında slaydlar hazırlamalıdırlar. Məruzəni konfransın işçi dillərindən (Azərbaycan, ingilis və rus) birində təqdim etmək olar.

Şablonu yükləmək olar: Sample_IEEE (eng).doc.

Sample_IEEE.doc şablonunun Azərbaycan dilinə tərcüməsi: Sample_IEEE (aze).doc.

Mühüm tarixlər:

30 mart 2016	–	Məruzələrin təqdim edilməsi üçün son tarix
08 aprel 2016	–	Məruzələrin ekspertizasının nəticələri haqqında müəlliflərin məlumatlandırılması tarixi
15 aprel 2016	–	Konfransın iş günü