7-9 iyun 2016-cı il tarixlərdə Londonda (Böyük Britaniya) informasiya təhlükəsizliyi üzrə beynəlxalq sərgi – Infosecurity Europe 2016 keçiriləcək.

Avropanın ən böyük sərgilərindən olan Infosecurity Europe hər il informasiya təhlükəsizliyi sahəsinin mütəxəssislərini bir araya gətirir. Tədbirdə ən yeni məhsullar, xidmətlər və maarifləndirici proqramlar təqdim edilir. Burada iştirakçılar üçün biznes əlaqələrini genişləndirmək, mövcud əlaqələri gücləndirmək və müştərilərlə bilavasitə ünsiyyətdə olmaq imkanı yaranır. Sərgidə informasiya təhlükəsizliyinin strateji tendensiyaları və aktual problemləri müəyyənləşdirilir.

expoclub.ru saytının məlumatına görə, verilənlərin saxlanması və emalının təhlükəsizliyi, şəbəkə proqramları, veb-təhlükəsizlik, idarəetmə, antivirus müdafiəsi, proqram və aparat təminatı sərginin əsas istiqamətləridir.