Bu il elm və texnologiya festivalı olan “Geek Picnic” Rusiyanın iki şəhərində – iyun ayının 13-14-də Moskvada, 20-21-də isə Sankt-Peterburqda keçiriləcək. Moskvada keçiriləcək tədbir “PayPal” qlobal ödəniş platformasının dəstəyi ilə baş tutacaq. Festival “İnsan-robot” mövzusuna həsr olunacaq.

Artıq 3-cü dəfədir keçiriləcək tədbirdə elm və texnikanın yaxın zamanadək elmi fantastikanın elementi hesab olunan ən son nailiyyətləri nümayiş olunacaq.

“Geek Picnic” festivalının rəsmi texniki tərəfdaşı “daşına bilən elektron qurğular” və “Əşyaların interneti” kateqoriyaları üzrə ən yaxşı tətbiqetmələri təqdim edən “MediaTek” şirkəti tərəfindən hazırlanmış mobil qadjetlərin müstəqil istehsalçıları cəmiyyəti olan “MediaTek Labs” layihəsidir.

Elmi müzakirələr “Texnologiyalar”, “Elm”, “İncəsənət”, “Piknik”, “Ekspo” və “Marketlər” zonaları üzrə aparılacaq.

“Geek Picnic” geeksputnik.tv rəsmi portalı ilə birgə ilk dəfə olaraq bionik protezli insanlar və ya texnologiyaların köməyi ilə öz bədənini dəyişmiş şəxslər – kiborqların beynəlxalq konfransını keçirəcək. Konfransda kiborqlaşmanın praktiki, etik və fəlsəfi aspektləri müzakirə olunacaq.

Qeyd edək ki, festivalın birbaşa yayımını geeksputnik.tv portalında izləmək mümkün olacaq.

expoclub.ru