31 yanvar 2015-ci il tarixdə Ufa şəhərində (Rusiya) “Texniki elmlərin aktual problemləri” mövzusunda V Beynəlxalq elmi-praktiki konfrans keçiriləcək.

“Aeterna” Elm Mərkəzinin təşkil etdiyi konfransın əsas məqsədi müasir elmin aktual problemlərinin həll yollarının araşdırılması və alim, müəllim, tələbə, doktorant və əlaqədar şəxslər arasında elmi-nəzəri və praktiki biliklərin yayılmasıdır.

Rus və ingilis dillərində, qiyabi formada keçiriləcək tədbirdə mühəndis həndəsəsi və kompüter qrafikası, memarlıq və inşaat, radiotexnika və kommunikasiya, informatika, hesablama texnikası və idarəetmə, elektron cihazlar, metrologiya və digər bölmələr üzrə müzakirələr aparılacaq.